របៀបហាត់ប្រាណ ១០យ៉ាងជួយពន្លូតកម្ពស់
កម្ពស់គឺជាចំណុចមួយដ៏សំខាន់សម្រាប់មនុស្សគ្រប់គ្នា ព្រោះវាអាចជួយឲ្យយើងមាន រូបរាងស្រស់ស្អាតឬមើលទៅសង្ហាជាង។ បើលោកអ្នកមានកម្ពស់ទាប ហើយមានបំណងចង់លូតកម្ពស់ មានវិធីច្រើនយ៉ាង ដូចជាលេបថ្នាំ ចាក់ថ្នាំ ឬឱសថប៉ូវផ្សេងៗទៀត។ ប៉ុន្តែវាអាចគ្មានប្រសិទ្ធភាពខ្ពស់ ប្រសិនបើខ្វះការហាត់ប្រាណ ដូច្នេះខាងក្រោមនេះគឺជាលំហាត់មួយចំនួន ជំនួយការលូតកម្ពស់ប្រសើរបំផុត៖
១. ហែលទឹក៖
![](https://s5.kh1.co/94/94aad71dfd7f9a1b98e16b8e16e34cacadefecc6.jpg)
ការហែលទឹកតម្រូវឲ្យអ្នកប្រើប្រាស់កម្លាំងដៃ និងកម្លាំងជើង ដូច្នេះវាអាចជួយអ្នកលូតកម្ពស់បានដោយមិនដឹងខ្លួន ប្រសិនបើអ្នកអនុវត្ត ២ម៉ោងក្នុង១ថ្ងៃជាប្រចាំ។
២. ព្យូរខ្លួនឬលើកខ្លួន៖
![](https://s4.kh1.co/0f/0f10b8d10eeeb1d9901de2f64eae0748b7470dcc.jpg)
ការហាត់ប្រាណប្រភេទនេះ វាតម្រូវឲ្យអ្នកប្រើកម្លាំងដៃទាញ ដើម្បីលើកដងខ្លួនទាំងអស់ឡើង ហើយជើងរបស់អ្នកសំយុងចុះក្រោម ឬចេញកាយវិការផ្សេងៗ វាមានប្រយោជន៍ខ្លាំង ដែលអាចជួយពន្លូតកម្ពស់របស់អ្នកបាន។
៣. ឱនងើបប៉ះម្រាមជើង៖
![](https://s4.kh1.co/03/030fa811384da0066541fec21e74e141d6b1c359.jpg)
ការឱនងើបដោយយកដៃទាំង ២ប៉ះម្រាមជើង វាអាចជួយសម្រួល ឲ្យចង្កេះរបស់អ្នកនិងសរសៃធ្វើចលនាបានល្អ។
៤. ពត់ខ្លួនឡើងលើ៖
![](https://s5.kh1.co/71/7165278eb06684d9cc6de27f31590c4dd9c5bb9b.jpg)
អ្នកអាចដេកផ្កាប់មុខ ប៉ុន្តែពត់ខ្លួនងើបក្បាលឡើងលើ ដូចពស់វែក។ ពេលអ្នកធ្វើដូចនេះ កាន់តែច្រើន វាអាចជួយឲ្យឆ្អឹងខ្នងរបស់អ្នកកាន់តែលូតលាស់ល្អ។
៥. ដេកផ្ងារងើបខ្លួនឡើង៖
![](https://s4.kh1.co/27/2734b54b83fd0a9ce6f2f143f29132ec688375b2.jpg)
របៀបហាត់ប្រាណនេះ គោលបំណងគឺជួយសម្រួលដល់ឆ្អឹងខ្នង ចង្កេះ និងត្រគាកហើយក៏ជារបៀបហាត់ប្រាណមួយ ដែលគេទទួលស្គាល់ថាអាចជួយពន្លូតកម្ពស់ល្អបំផុតដែរ។
៦. ហាត់កំភួនជើង៖
![](https://s5.kh1.co/71/71467452ee6f9ee85c9a20902847fe6b4ba10554.jpg)
ការហាត់យកសាច់ដុំកំភួនជើង គឺត្រូវឈរ ដៃសងខាងទប់ជញ្ជាំង ហើយត្រូវប្រមូលទម្ងន់ខ្លួនរបស់អ្នកទាំងអស់ ទៅលើជើងម្ខាង បន្ទាប់មកប្ដូរជើងឆ្វេងទៅស្ដាំរាល់ ២០ ដល់ ៣០វិនាទីម្ដង។
៧. ហាត់ធ្វើរាងដូចតុ៖
![](https://s5.kh1.co/71/71053090cf55cebbbe5f8eef5bf67719bbaa9c8f.jpg)
ការហាត់ប្រាណប្រភេទនេះ អ្នកត្រូវផ្ងារខ្លួនឡើងលើហើយជើង និងដៃទាំងសងខាងត្រូវត្រដងខ្លួនឲ្យរាងដូចតុ។ លំហាត់នេះពិបាកពិតមែន តែវាអាចជួយលូតកម្ពស់ល្អប្រសើរណាស់។
៨.លោតខ្សែ៖
![](https://s4.kh1.co/45/45d06c96218f37f4e3d7f72dad15054332887263.jpg)
ការលោតខ្សែ គឺជាការហាត់ប្រាណមួយ ជួយឲ្យដងខ្លួនមានចលនាល្អ ជាពិសេសគឺជើងទាំង២ នឹងរឹងមាំល្អ ហើយជួយឲ្យអ្នកលូតកម្ពស់បានល្អផងដែរ។
៩.អង្គុយលោត៖
![](https://s5.kh1.co/7c/7c83448b2183aa70d68bbf0cb923cd1671ac7a02.jpg)
ការលោតយ៉ាងហ្នឹងវាអាចជួយឲ្យអ្នកកាន់តែខ្ពស់បាន អ្នកអាចអនុវត្តនៅឯផ្ទះក៏បានឬលេងបាល់បោះ បាល់ទះ...ក៏បាន។
១០.បោះដៃនិងជើងទៅមុខ៖
![](https://s5.kh1.co/10/10bd39673f8373d48699fb26d983ebfe25bcc37c.jpg)
អ្នកត្រូវអង្គុយរាបលើកម្រាល ហើយសណ្ដូកជើងទាំងសងខាងត្រង់ទៅមុខ និងសន្ធឹងដៃសងខាងទៅមុខផងដែរ។ ចលនានេះ ជួយឲ្យឆ្អឹងខ្នងលូតលាស់ល្អ និងជួយឲ្យកម្ពស់របស់អ្នកខ្ពស់ជាងដូចគ្នា។